ღონისძიებები
5 დეკემბერს 18:00 საათზე, კახა ბენდუქიძის კამპუსის საკონფერენციო დარბაზში (აუდიტორია #200) ადამიანის უფლებების სამართლის საუნივერსიტეტო კვირეულის ფარგლებში გაიმართება საჯარო ლექცია: "ბრძოლა უზენაესი სასამართლოსთვის".
საჯარო ლექციის ფარგლებში განხილული იქნება საქართველოს უზენაესი სასამართლოს მოსამართლეების შერჩევის წესის ფორმირების პროცესი, უშუალოდ შერჩევის პროცესში გამოვლენილი ხარვეზები და არსებული გამოწვევები.
ღონისძიების მომხსენებლები არიან:
გიორგი მშვენიერაძე – საქართველოს დემოკრატიული ინიციატივის თავმჯდომარე;
გიორგი ჩიტიძე – ღია საზოგადოების ფონდის პროგრამის ხელმძღვანელი;
ნაზი ჯანეზაშვილი – საქართველოს იუსტიციის უმაღლესი საბჭოს არამოსამართლე წევრი;
მოდერატორი: დავით ზედელაშვილი – თბილისის თავისუფალი უნივერსიტეტის ასოცირებული პროფესორი.
ადამიანის უფლებების სამართლის საუნივერსიტეტო კვირეული ტარდება ამერიკის შეერთებული შტატების საერთაშორისო განვითარების სააგენტოს მიერ დაფინანსებული პროგრამის "კანონის უზენაესობის მხარდაჭერა საქართველოში" (USAID-PROLoG), ღია საზოგადოების ფონდის (OSGF) და გერმანიის საერთაშორისო თანამშრომლობის საზოგადოების (GIZ) მხარდაჭერით.
დასწრება თავისუფალია.
FB Event: https://www.facebook.com/events/436098020630388/
5 Dec 2019
3 დეკემბერს 18:00 საათზე, ადამიანის უფლებების სამართლის საუნივერსიტეტო კვირეულის ფარგლებში კახა ბენდუქიძის საკონფერენციო დარბაზში (აუდიტორია #200) ჩატარდება საჯარო დისკუსია თემაზე: "20 ივნისის მოვლენები - დაზარალებულთა ისტორიები და სამართლებრივი ანალიზი".
საჯარო დისკუსიის ფარგლებში 20 ივნისის მოვლენების შედეგად დაზარალებული პირები მოყვებიან საკუთარ ისტორიებს. ასევე, სამართლებრივ ჭრილში განიხილება ძალის გამოყენების ლეგიტიმურობის და პროპორციულობის საკითხები. პარალელურად უნივერსიტეტში გაიმართება საპროტესტო აქციების ამსახველი ფოტოგამოფენა.
ღონისძიების მომხსენებლები არიან:
ნონა ქურდოვანიძე – საქართველოს ახალგაზრდა იურისტთა ასოციაციის თავმჯდომარის მოადგილე;
გიორგი მშვენიერაძე – საქართველოს დემოკრატიული ინიციატივის თავმჯდომარე;
ლევან ასათიანი – Amnesty International-ის წარმომადგენელი სამხრეთ კავკასიაში.
ადამიანის უფლებების სამართლის საუნივერსიტეტო კვირეული ტარდება ამერიკის შეერთებული შტატების საერთაშორისო განვითარების სააგენტოს მიერ დაფინანსებული პროგრამის "კანონის უზენაესობის მხარდაჭერა საქართველოში" (USAID-PROLoG), ღია საზოგადოების ფონდის (OSGF) და გერმანიის საერთაშორისო თანამშრომლობის საზოგადოების (GIZ) მხარდაჭერით.
3 Dec 2019
2 დეკემბერს 17:00 საათზე, საჯარო ბიბლიოთეკაში გაიმართება ადამიანის უფლებების სამართლის საუნივერსიტეტო კვირეულის გახსნის ღონისძიება. კვირეული 8 დღეს გაგრძელდება და მასში საქართველოს 15 უნივერსიტეტი მიიღებს მონაწილეობას, მათ შორის, რეგიონის უნივერსიტეტები.
გახსნის ღონისძიების შემდეგ გაიმართება პანელური დისკუსია თემაზე "საპროტესტო აქციების რეტროსპექტივა". დისკუსიის ფარგლებში მოძრაობა "სირცხვილიას" აქტივისტები ისაუბრებენ საპროტესტო აქციების მართვის პროცესში წარმოშობილ პრობლემებზე და იმ გამოწვევებზე, რასაც ისინი აწყდებოდნენ აქციების დაგეგმვის და განხორციელების დროს. სახალხო დამცველის მოადგილე კი აღნიშნულ მოვლენებს სამართლებრივ ჭრილში შეაფასებს.
ადამიანის უფლებების სამართლის საუნივერსიტეტო კვირეული ტარდება ამერიკის შეერთებული შტატების საერთაშორისო განვითარების სააგენტოს მიერ დაფინანსებული პროგრამის "კანონის უზენაესობის მხარდაჭერა საქართველოში" USAID-PROLoG), ღია საზოგადოების ფონდის (OSGF) და გერმანიის საერთაშორისო თანამშრომლობის საზოგადოების (GIZ) მხარდაჭერით.
2 Dec 2019
20 ნოემბერს 15:00 საათზე, კახა ბენდუქიძის კამპუსის მცირე საკონფერენციო დარბაზში (ბიბლიოთეკა) თავისუფალი უნივერსიტეტის საერთაშორისო ურთიერთობების სკოლის, აზიისა და აფრიკის ინსტიტუტისა და მომავალ დიპლომატთა კლუბის ორგანიზებით ლექცია-დისკუსიის ფორმატში შედგება შეხვედრა ევროკავშირის სადამკვირვებლო მისიის ხელმძღვანელის მოადგილესთან ქეით ფიერონთან.
ლექციის თემა ევროკავშირის სადამკვირვებლო მისიის საქმიანობა, მანდატის ფარგლებში განხორციელებული სამუშაოები და სამომავლო გეგმებია.
ღონისძიების სამუშაო ენაა ინგლისური.
დასწრება თავისუფალია.
FB Event: https://www.facebook.com/events/537618513482269/
20 Nov 2019
30 ოქტომბერს 17:00 საათზე, კა
30 Oct 2019
17 ოქტომბერს 18:00 საათზე, კახა ბენდუქიძის კამპუსის მცირე საკონფერენციო დარბაზში (ბიბლიოთეკა) ჩატარდება თავისუფალი უნივერსიტეტის ასოცირებული პროფესორის დავით ზედელაშვილის საჯარო ლექცია - „თანასწორობის კონსტიტუციური კონტროლი“.
ამავე დღეს 19:00 საათზე, გაიმართება კვლევის პრეზენტაცია „თანასწორობის კონსტიტუციური შემოწმება - საქართველოს საკონსტიტუციო სასამართლოს, გერმანიის ფედერაციული საკონსტიტუციო სასამართლოს, სამხრეთ აფრიკის საკონსტიტუციო სასამართლოს და აშშ-ის უზენაესი სასამართლოს იურისპრუდენციის ანალიზი“.
საჯარო ლექცია და კვლევის პრეზენტაცია ტარდება თბილისის თავისუფალი უნივერსიტეტის სამართლის სკოლის მიერ ამერიკის შეერთებული შტატების საერთაშორისო განვითარების სააგენტოს პროგრამის “კანონის უზენაესობის მხარდაჭერა საქართველოში (USAID-PROLoG)“ ხელშეწყობით.
დასწრება თავისუფალია.
17 Oct 2019
16 ოქტომბერს 17:00 საათზე, კახა ბენდუქიძის კამპუსის საკონფერენციო დარბაზში (აუდიტორია #200), თავისუფალი უნივერსიტეტის კონფუცის ინსტიტუტის ორგანიზებით გაიმართება ბექა მიქაბერიძის საჯარო ლექცია-პრეზენტაცია თემაზე: "საქართველოსა და ჩინეთს შორის არსებული სავაჭრო ურთიერთობები".
ლექციაზე სპიკერი ისაუბრებს ჩინეთის მსოფლიო როლზე, "სარტყელისა და გზის" ინციატივასა და საქართველოსა და ჩინეთს შორის ბიზნეს ურთიერთობებზე.
ბექა მიქაბერიძე არის არასამთავრობო ორგანიზაცია "სარტყელისა და გზის საქართველოს ბიზნეს სახლის" დამფუძნებელი და ხელმძღვანელი, საქართველოს სინოლოგთა ასოციაციის წევრი და საქართველოს სავაჭრო-სამრეწველო პალატის ოფიციალური წარმომადგენელი ჩინეთში. მას აქვს თიენძინის უნივერსიტეტის მაგისტრის ხარისხი და ასევე არის თავისუფალი უნივერსიტეტის ყოფილი სტუდენტი.
დასწრება თავისუფალია.
16 Oct 2019
8 ოქტომბერს, 18:30 საათიდან კამპუსის ეზოში ჩატარდება ტრადიციული Welcome Party თავისუფალი და აგრარული უნივერსიტეტების სტუდენტებისთვის.
თქვენთვის დაუკრავენ:
Killages
Four Dimensional Monster Lobsters
DJ, რომელმაც ღონისძიებამდე საკუთარი თავის ინკოგნიტოდ დატოვება გვთხოვა
დასწრება ყველა კამპუსელისთვის თავისუფალია!
8 Oct 2019